| Welcome |
नायक श्रीकृष्ण श्रेष्ठले निर्माण गरेको चलचित्र ‘कोहिनुर’को छायांकन सकिएको छ । करिब ४५ दिन लगाएर सिनेमाको छायांकन सकेको जानकारी निर्माता तथा नायक श्रेष्ठले जानकारी दिएका छन् । काठमाण्डौको दरबारमार्ग स्थित शेर्पा मलमा चलचित्रको इन्डक्ल्याप गरिएको हो ।आकाश अधिकारीको निर्देशनमा तयार भएको यो चलचित्रमा स्वेता खड्का, शम्भूजित बास्कोटा लगायतका कलाकारले पनि अभिनय गरेका छन् । चलचित्रमा शम्भूजितकै संगीत रहेको छ ।
सिनेमा बनाउन आफूले कुनै खालको प्रेसर महुशश नगरेको तर्क श्रीकृष्णको छ । यस अघि चलचित्र ‘कहाँ भेटिएला’ निर्माण गरेका श्रीकृष्णले स्वेतालाई नै लिएर ‘कोहिनुर’ बनाएका हुन् । चलचित्रलाई नारी प्रधान भन्न रुचाउँछिन् यसकी नायिका स्वेता खड्का ।
चलचित्रको छायांकन भारतका विभिन्न रमणिय क्षेत्र र नेपालमा गरिएको छ । पैसा हेरेर सिनेमा नबनाएको बताउँदै निर्माता श्रीकृष्ण श्रेष्ठले ‘कोहिनुर’ले सुकेको सिने नगरीलाई फेरी उकास्ने विश्वास व्यक्त गरेका छन् ।
-
0 comments:
Post a Comment