पत्रकार रेजीना रोदन र खेम बरालमाथि सांघातिक आक्रमण

Welcome

आक्रमणमा परी घाइते भएका पत्रकार रेजिना रोदन र खेम बराल

३ कात्तिक, झापा । झापाबाट प्रकाशन हुने अर्जुनधारा दैनिक पत्रिकाकी सम्वाददाता रेजीना रोदन र नेपाल पत्रकर महासंघ झापाका कार्यालय सचिव खेम बरालमाथि धारिलो हतियार प्रहार भएको छ ।
आइतबार राति ९ बजेको समयमा उनीहरुमाथि आक्रमण भएको हो । कार्यालयको काम सकेर डेरा र्फकदै गरेका उनीहरुमाथि धारिलो हतियार प्रहार भएको थियो । आक्रमणबाट गम्भीर घाइते दुवैको मनमोहन मेमोरियल अस्पताल विर्तामोडमा उपचार भइरहेको छ ।
घाइते रोदनको टाउकोमा गम्भीर चोट लागेको छ । उनको टाउकोमा १४ टाँका गरिएको छ । त्यस्तै बरालको पनि टाउकोमै चोट लागेको छ । उनको टाउकोमा नौं टाँका लगाइएको छ ।
करिब १० जनाको समूहले एक्कासी आक्रमण गरेको पीडितहरुले बताएका छन् । आक्रमणमा संलग्न भएको आशंकामा तीन जनालाई प्रहरीले पक्राउ गरेको छ । पक्राउ पर्नेमा विर्तामोड नगरपालीका ६ का अमन सुब्बा, दुर्गा धिमाल र शनिश्चरे ९ का अनिश सुब्बा छन् । उनीहरुलाई मादक पदार्थ सेवन गरेको अवस्थामा पक्राउ गरिएको थियो ।