| Welcome |
गौतमबुद्ध नगरका एसएसपी प्रितिन्दर सिंहका अनुसार स्कूलविरुद्ध लापरवाहीको उजुरी दर्ता गरिएको छ । शानको पोस्टमार्टम नोयडामा गरेर उजुरीलाई सम्बन्धित क्षेत्रको प्रहरीमा पठाइने उनले बताए ।
शान शेरवुडमा कक्षा ९ का विद्यार्थी थिए । उनका आमा निना श्रेष्ठ विश्व बैंकका कर्मचारी हुन् र काठमाडौंमा बस्छिन् । उनी सोमबार भारत पुगेकी थिइन् ।
निनाका अनुसार स्कुलले शानलाई नोभेम्बर १३ मा अस्पताल पाठएको बताए पनि नोयडा अस्पतालमा पुग्दा पनि शान स्कूलकै पोसाकमा थिए । ‘यदी अस्पतालमा भर्ना भएको भए उ अस्पतालले दिएको कपडामा हुनुपर्ने,’ उनले भनिन् ।
निनाका अनुसार गत नोभेम्बर १३ तारिख बिहान १० बजेतिर उनलाई शान बिरामी परेको जानकारी दिइएको थियो ।
‘मैले हेडमास्टरलाई फोन गरे तर कुनै जवाफ पाइँन,’ उनले भनिन् । जवाफ नपाएपछि उनले इमेल लेखेकी थिइन् । त्यसपछि ३ बजेतिर रवि कुमारले उनलाई फोन गरेर शान सिकिस्त बिरामी परेकाले हल्दवानीमा बम्बे अस्पतालमा भर्ना गरिउको जानकारी दिइएको र उनलाई बिहान त्यहाँ लगिएको जानकारी गराएको बताएकी छिन् ।
उनले आफ्नो उजुरीमा स्कुलका प्रिन्सिपल अमनदीप सान्धुले उनलाई फोन गरेर शानलाई उपचारको दिल्ली लान लागेको जानकारी गराएका थिए । सम्पूर्ण मेडिकल सेवा भएको एम्बुलेन्समा लाने भन्ने भएपछि मात्र उनले शानलाई दिल्ली लैजान दिन सहमत भएको प्रहरीलाई बताएकी छिन् । तर, एम्बुलेन्समा त्यस्तो केही पनि नभएको उनले आरोप लगाएकी छिन् ।
स्कुलको नर्सले हाउस मास्टरलाई नोभेम्बर ११ का दिन शान बिरामी भएको र दुई रातदेखि सुत्न नसकेको जानकारी गराएको उजुरीमा उल्लेख छ । तर हाउस मास्टरले एक दिन पर्ख भनेको बताइएको छ ।
यता सान्धुले भने सबै आरोपको खण्डन गर्दै शान पहिले पनि बिरामी परेको र उनलाई दमको रोग भएको बताएका छन् । ‘नोभेम्बर ११ मा उनी बिरामी परेपछि उनलाई स्कूलमै उपचार गरिउको थियो । त्यसपछि उनलाई हल्दवानीमा निजी अस्पतालमा उपचारका लागि लगिएको थियो । त्यहाँ पनि केही प्रगति नभएपछि नोयडा लगिएको हो,’ उनले भने ।
0 comments:
Post a Comment