गायक अनिल सिंहको गीत हेर्न झुमेका दर्शकले कात्तिक ८ गतेबाट प्रदर्शनमा आउन लागेको चलचित्र ‘मधुमास’को बारेमा पनि जानकारी पाएका छन् । चलचित्रकी नव कलाकार पूजा शर्माले पनि अनिल सिंहसँगै गीत गाएपछि ‘मधुमास’को नयाँ प्रचार शैली बाहिर आएको हो । सीटीसी मल सुन्धारामा आयोजना भएको अनिल सिंहको कन्सर्टमा ‘मधुमास’ यूनिट पनि पुगेको हो ।‘अमर प्रेम’ बोलको गीत पूजाले अनिल सिंहसँग केही समय पहिले नै रेकर्ड गराएकी थिइन् । हिरोइन र गायक नाचेपछि ‘मधुमास’ यूनिटले उपस्थित दर्शकहरुलाई विजयादशमीको शुभकामना दिदै आफ्नो सिनेमा हेरिदिन आग्रह गरेको थियो ।आर्यन सिग्देल, पूजा शर्मा, सिवागिंनी राणा लगायतका कलाकारले अभिनय गरेको यो चलचित्र पूर्णतया प्रेमकथामा आधारित छ । नायक आर्यन सिग्देलले भने ‘मधुमास’ को प्रचारमा खासै ध्यान दिएका छैनन् । चलचित्रलाई बाबुराम दाहाल र सुदर्शन थापा मिलेर बनाएका हुन् । चलचित्रमा सुदर्शनकै निर्देशन छ ।
0 comments:
Post a Comment