| Welcome |
निर्माता छविराज ओझा हिजोआज आफूलाई यूवा भन्दै हिडेका छन् । अनुहारमा चमक, सबैको अघि मिठो मुस्कात, छवि आफू यूवा भएको छनक दिन पछि पर्दैनन् ।यसअघि नायिका रेखा थापालाई लिएर मसलेदार सिनेमा बनाएका छवि यसपटक भने मल्टिप्लेक्स ताक्दैै छन् । यसैले उनले बनाएको पछिल्लो चलचित्र ‘लोफर’मा मल्टिप्लेक्समा गनिएका भनिएका कलाकार समावेश छन् । आदित्य विक्रम लम्सालको निर्देशनमा बनेको चलचित्र ‘लोफर’ मंसिर २१ गतेबाट प्रदर्शनमा आउँदैछ । चलचित्रमा दयाहाङ राई, सुशिल पाण्डे, नव कलाकार रजनी केसी, नायक आर्यन सिग्देल लगायतका कलाकारको अभिनय छ ।
चलचित्रका गीतहरु पनि केही भिन्न देखिएका छन् । यूवा केन्दि्रत सिनेमा बनाएका कारणले आफू यूवा भएको छविको तर्क छ । तर नायिका रेखा थापालाई छोडेर रजनी केसीलाई सिनेमामा लिएपछि छविको यूवा सोचले गहिरो अर्थ राख्न सक्छ ।
आफूलाई यूवा भएको बताउँदै छवि फेरी घरजम गर्ने दाउमा त छैनन् भन्ने पनि प्रश्न उठाएको छ । जे जस्तो भएपनि ‘लोफर’ बनाएर यूवा बनेका छविले मुलधारकै सिनेमा बनाएपछि भने आफूलाई के भन्ने हुन्, त्यो हेर्न रोचक नै हुनेछ ।
0 comments:
Post a Comment