| Welcome |
मंसिर २१ गतेबाट प्रदर्शनमा आउन लागेको चलचित्र ‘लोफर’ विभिन्न कारणले अर्थपूर्ण र महत्वकांक्षी रहेको छ । रेखा थापालाई छोडेर निर्माता छविराज ओझाले छविराज प्रोडक्शनको ब्यानरमा निर्माण गरेको भएकाले पनि यो सिनेमा विशेष देखिन्छ । अर्कोतिर, छविको सिनेमामा पहिलो पटक रेखा थापाको ठाउँमा नयाँ अनुहारले अवसर पाएकी छिन् । छविले रेखालाई छोडेर नव नायिका रजनी केसीलाई सिनेमामा अवसर दिएकाले पनि ‘लोफर’ सबैको चासोको बिषय बनेको हो ।नव निर्देशक आदित्य विक्रम लम्सालले निर्देशन गरेको यो चलचित्रमा आर्यन सिग्देल, दयाहाङ राई, रजनी केसी, सुशिल पाण्डे लगायतका कलाकारले अभिनय गरेका छन् । सोनालकृष्ण सापकोटाले संगीत भरेको यो चलचित्रमा मदन काश्यप घिमिरेको छायांकन, चन्द्र पन्तको द्वन्द्व, कविराज गहतराजको नृत्य निर्देशन छ ।
यसैबिच चलचित्रको निर्माणपक्षले ‘मलाई किन’ बोलको गीत सार्वजनिक गरेको छ । राजेशपायल राइले आवाज भरेको यो गीतमा रजनी केसी र सुशील पाण्डेको अभिनय हेर्न सकिन्छ । मल्टिप्लेक्स केन्दि्रत भएकाले पनि निर्माता छविराज ओझा यतिबेला यूवापुस्ता तान्न लागिपरेका छन् ।
0 comments:
Post a Comment