| Welcome |
चलचित्र क्षेत्रमा नायिका अरुणिमा लम्सालको आगामी करिअर कसरी अघि बढ्छ त्यो भन्न सकिने अवस्था छैन । तर छोरीलाई जन्म दिएपछि सिने नगरीबाट केही पछि देखिएकी उनलाई मनिष पन्थको निर्देशनमा तयार भएको चलचित्र ‘उर्वशी’ले चर्चामा ल्याउने आशा गरिएको छ ।खगेश्वर पुनको निर्माणमा तयार भएको यो चलचित्रमा अरुणिमाले छोरीलाई जन्म दिएपछि पहिलो पटक अभिनय गरेकी हुन् । यसैले पनि अरुणिमाका लागि ‘उर्वशी’ विशेष रहेको छ ।
अर्कोतिर नायिका नीता ढुंगानालाई शिर्ष भूमिकामा देखाइएकाले पनि ‘उर्वशी’ उनको लागि महत्वपूर्ण छ । चलचित्रको फष्ट लुकमा पनि नीतालाई विशेष महत्व दिइएको छ । चलचित्रमा प्रेममा चुर्लुम्ब डुबेकी अविवाहित नीताले सिनेमा सफल भएको खण्डमा जस सबै लिने छिन् ।
प्रेम र युद्धको बिचमा घेरिएको ‘उर्वशी’मा किशोर खतिवडा, नव कलाकार किशोर श्रेष्ठ, मुकेश आचार्यलाई पनि देख्न सकिन्छ । निर्देशक पन्थ पनि सिनेमाले राम्रो व्यापार गर्नेमा ढुक्क छन् ।
हालसम्म यो सिनेमासँग भिडन्त गर्न अर्को कुनै पनि चलचित्र नआउने देखिएकाले पनि व्यापारिक रुपमा ‘उर्वशी’ चल्ने विश्लेषकहरु बताउछन् । संविधान सभाको चुनाव लगतै नेपाली सिनेमा हेर्नबाट १ महिना बञ्चित भएका दर्शकका लागि ‘उर्वशी’ बिशेष खुराक बन्नेछ ।
0 comments:
Post a Comment