| Welcome |
बलिउडका अविवाहित नायक सलमान खानको नाम कोही न कोही यूवतीसँग जोडिएको हुन्छ । सलमानले बलिउडमा पनि धेरै जसो नायिकाहरुको भविष्य चम्काइदिएका छन् । नायिका कट्रिना कैफलाई बलिउडमा चम्काउने सलमान उनकै पूर्व प्रेमि पनि हुन् ।तर यतिबेला नायिका कट्रिना कैफ सलमानलाई छोडेर रणविर कपुरसँग रमाइरहेकी छिन् । तर सलमानलाई भने कट्रिनाको याद आइरहेको छ । हालै मात्र सलमानले संचालन गर्दै आएको चर्चित रियालिटी शो ‘बीग बोस’मा कट्रिनाको चर्चा भएको छ ।
आफ्नो नयाँ चलचित्रको प्रमोशनका लागि पुगेका नायक सन्नी देवलसँग सलमानले कटि्रनाको याद गरेका हुन् । ‘बीग बोस’मा सहभागी एली अब्राहमलाई कट्रिना बनाउने धुनमा सलमान लागेका छन् । उनले एलीलाई ५ बर्ष अघिकी कट्रिना भन्दै प्रशंसा गरेका छन् ।
सलमानले कट्रिनालाई ‘बीग बोस’मा संझिएको यो पहिलो पटक भने होइन । भारतिय संचारमाध्यमहरुका अनुसार सलमानले एलीलाई आफ्नै एक चलचित्रमा नायिका पनि बनाउने तयारी गरेका छन् । यसैले पनि उनी बारम्बार ‘बीग बोस’मा एलीको प्रशंसा गरिरहेका हुन्छन् ।
गतबर्षको सिजनमा ‘बीग बोस’मा सहभागी सना खानलाई सलमानले आफ्नो नयाँ चलचित्र ‘जय हो’मा नायिका बनाइसकेका छन् । अब हेरौ सलमानले कट्रिना देख्ने एली अब्राहमको भाग्य चम्कने हो या होइन ।
0 comments:
Post a Comment