एकै परिवारका तीन जनालाई गाडीले ठक्कर दिएपछि चिनवतनमा तनाव

Welcome

चितवन, काठमाडौंतर्फ आइरहेको बा१० प ९१४ नम्बरको फोर्स कम्पनीको फिगो गाडीले चितवनको फिस्लिङस्थित बजारमा  ठक्कर दिँदा तीन जना घाइते भएका छन् । फिस्लिङका स्थानीयबासी मनु गुरुङ,सागर गुरुङ र उनका एक वर्षीय छोरा गाडीको ठक्करबाट घाइते भएका छन् । घाइतेमध्ये एकको अबस्था गम्भीर भएको चितवनबाट रातोपाटी सहकर्मीले जानकारी दिएका छन् । बिहान ७ बजे भएको दुर्घटनाका घाइतेको अहिले चितवनस्थित भरतपुर अस्पतालमा उपचार भइरहेको छ ।   यसैबीच स्थानीयलाई गाडीले ठक्कर दिएर घाइते बनाएपछि  त्यसको बिरोधमा  उत्रिएका स्थानीयबासीका कारण अहिले त्यो क्षेत्रको यातायात अबरुद्ध भएको छ । स्थानीयले चालकको लापरबाहीका कारण दुर्घटना भएको भन्दै घाइतेको उचित उपचार र क्षतिपूर्तिको माग गर्दै  सडक प्रदर्शनमा उत्रिएपछि हजारौं यात्रु बिहान ७ बजेदेखि अलपत्र परेका छन् । चितवनबाट काठमाडौंतर्फ आइरहेका सुमन पुडासैनीले आफू दुईघन्टादेखि अलपत्र परेको गुनासो गरे । तनावग्रष्त बन्न पुगेको फिस्लिङको स्थिती अझै सामान्य बन्न सकेको छैन । प्रहरीले स्थितीलाई सामान्य अबस्थामा फर्काएर अबरुद्ध सडक खोल्ने प्रयास भइरहेको जनाएको छ ।