| Welcome |
नेपालीहरुको दोस्रो ठूलो चाड तिहारको अवसरमा गएको असोज ३० गतेदेखि कार्तिक ५ गतेसम्म दार्चुलाको हिकिलामा सञ्चालन गरिएको खुल्ला क्रिक्रेट टुर्नामेन्टको उप विजेता मालिकार्जुन युवाक्लव छापरीका खेलाडीहरुको स्वागत गरी पुरुस्कार वितरण गरिएको छ । प्रतियोगितामा राम्रो प्रदर्शन गरेपछि आईतबार दीपज्योती बालक्लव छापरीले एक कार्यक्रमका बीच क्रिकेट खेलाडीहरुलाई स्वागत गरी पुरुस्कार वितरण गरेको हो ।
बालक्लवका संरक्षक एवं छापरी प्राविका प्रधानाध्यापक पदमसिह कार्कीको अध्यक्षतामा भएको कार्यक्रममा खेलाडीहरुलाई फुल माला तथा अवीर लगाई भब्यरुपमा स्वागत गरिएको हो । कार्यक्रममा बोल्दै विद्यालयका प्रधानाध्यापक पदमसिह कार्कीले क्रिकेटमा विद्यार्थीहरुले राम्रो प्रदर्शन गरेको भन्दै प्रशंसा गर्नुभयो । साथै उहाँले खेलाडीहरुलाई सक्दो सहयोग गर्ने समेत बताउनुभयो । यसैबीच कार्यक्रममा अभिभावकहरुले खेलाडीहरुलाई नगद पुरुस्कार प्रदान गरेका छन् । हिकलाली युवाक्लवसंग भएको फाइनल खेलमा मालिकार्जुन युवाक्लवले दोस्रो स्थान हासिल गरेको थियो । प्रतियोगितामा कुल १९ वटा टिमले भाग लिएका थिए ।
0 comments:
Post a Comment