Welcome
मन्त्रिपरिषद् बैठक र बालुवाटारमा हुने विभिन्न बैठकमा प्रधानमन्त्री तथा मन्त्रीका लागि अर्डरबमोजिम खाजा उपलब्ध हुने गरेका छन् । प्रधानमन्त्री तथा मन्त्रिपरिषद् कार्यालयका अनुसार दुई महिनायता खाजाको मात्रै दुई लाख १३ हजार २० हजार रुपैयाँ बिल उठेको छ ।

प्रधानमन्त्री तथा मन्त्रिपरिषद् कार्यालय स्रोतका अनुसार खाजामा भएको खर्चमध्ये ७० प्रतिशत भन्दा बढी खर्च बालुवाटारमा भएका विभिन्न बैठकको हो । सिंहदरबारमा भएका मन्त्रिपरिषद् बैठकमा भने कम खर्च हुने गरेको स्रोतले जानकारी दिएको छ ।

मन्त्रिपरिषद् तथा प्रधानमन्त्रीले गर्ने अन्य बैठकका लागि आवश्यक पर्ने खाजा गौतम खाद्य सप्लायर्सले उपलब्ध गराउँदै आएको खबर आजको नयाँ पत्रिका दैनिकले लेखेको छ । मन्त्रिपरिषद् कार्यालय लेखा शाखा स्रोतका अनुसार खाजाको प्रतिप्याकेट चार सय ५० रुपैयाँ सम्म खर्च हुने गरेको छ । लञ्चमा भने प्रतिप्याकेट ६ सय लाग्ने गरेको छ ।


स्रोतका अनुसार मन्त्रिपरिषद्मा मन्त्रीहरुले आफ्नो रुचीअनुसार खाजा खाने गरेका छन् । रुचीअनुसार मांसाहारी,साकाहारी तथा फलफुल व्यवस्था गर्ने गरिएको छ ।

0 comments:

Post a Comment

 
Top