| Welcome |
‘बीग बोश सिजन ७’को संचालक समेत रहेका बलिउड नायक सलमान खानलाई केही प्रतियोगीको एकहोरो पक्षमा लागेको आरोप लाग्न थालेको छ । हालै मात्र सलमानले अजय देवगनकी साली तनिषाको लागि अन्य प्रतिस्पर्धीलाई थर्काएका थिए । कुशाललाई तनिषाले पहिला धक्का दिएको दृश्य टेलिभिजनमा सार्वजनिक भएपनि सलमानले उनकै पक्षमा कुरा गरेका थिए । सलमानको यो व्यवहारले प्रतिस्पर्धामा सहभागी अन्य प्रतिस्पर्धीहरु निराश देखिएका थिए ।
सलमानको यस्तो व्यवहार पश्चात सामाजिक संजालमा विरोधको स्वर सुनिएको छ । सोमबार दिनभरी नै सलमानले तनिषाको एकहोरो पक्ष लिएको बहस ट्विटरमा छेडिएको थियो ।
सलमानले प्रतिस्पर्धीहरुको कारणले गर्दा नै अब आफूले ‘बीग बोस’को कुनै पनि सिजन नगर्ने बताएका छन् । धेरैलाई लागेको छ अजय र सलमान मिल्ने साथी भएकाले पनि उनले तनिषालाई साथ दिइरहेका छन् ।
0 comments:
Post a Comment