| Welcome |
उसो त कस्टुम स्टाइलिष्ट निलिमा शर्मा कुनै नायिका भन्दा कम सुन्दर छैनन् । चलचित्र क्षेत्रमा अहिले उनको माग पनि बढ्दै गएको छ । उनले थुप्रै चलचित्रमा पहिरन डिजाइन गर्ने काम गरिसकेकी छिन् ।उनै निलिमाले मंगलबार परेको आफ्नो जन्मदिनमा कसैलाई पनि केही जानकारी गराउने योजना बनाएकी थिइनन् । तर नायिका केकी अधिकारीले सरप्राइज भन्दै केक काट्ने व्यवस्था गरेपछि निलिमाले जन्मदिन रहस्य खुलाउन वाध्य भइन् । उनले एक बर्ष उमेर बढ्यो किन जन्मदिन मनाउनु भन्दै बसेको बताइन् । निलिमाले आफू ३६ बर्षमा टेकेको बताइन् ।
अल्फा बिटा हाउसमा नेफ्टा अवार्डको तयारीका लागि पुगेकी निलिमाले केही नायिका तथा चलचित्रकर्मीको उपस्थितीमा जन्मदिन मनाएकी हुन् । केक काट्ने कार्यक्रममा नव नायिका अशिष्मा नकर्मी, चलचित्र प्राविधिक संघका महासचिव मनोज केसी, कोरियोग्राफर कमल राई, केही संचारकर्मी, नायक गौरब पहाडी लगायतको उपस्थिती थियो ।
निलिमाले परिवारका अन्य सदस्यको जन्मदिन पनि यसै साता परेकाले बाल मन्दिरका बालबालिकासँग जन्मदिन मनाइसकेको बताइन् । मलेसियामा आयोजना हुन लागेको नेफ्टा अवार्डमा उनी २ गीतमा नृत्य पनि गर्दैछिन् ।
0 comments:
Post a Comment