| Welcome |
हङकङलाई ५ विकेटले हराउँदै नेपाली क्रिकेट टिम बंगालादेशमा सन् २०१४ मा आयोजना हुने ‘टि ट्वान्टी विश्वकप’मा छनोट भएपछि यतिबेला आम नेपालीमा खुशीयाली छाएको छ । यो खुशीयालीमा नेपाली सिनेमा तथा कला क्षेत्रका कलाकर्मीहरु पनि पछि परेका छैनन् । फेसबुक तथा ट्विटरमा आफ्नो खुशी साट्दै सेलिब्रेटीहरुले नेपाली क्रिकेट टिमलाई बधाई दिइरहेका छन् ।पूर्व मिस नेपाल माल्भिका सुब्बाले नेपाली टिमलाई बधाई दिदै अबको लक्ष्य बंगलादेशको वल्र्डकप भएको जनाएकी छिन् । नायिका बेनिशा हमालले फेसबुक मार्फत नेपाली टिमलाई बधाई दिदै अबको मिसन वल्र्ड कप भएको बताइन् ।
नेपाली क्रिकेट टिमको खेल टेलिभिजनमा प्रत्यक्ष हेरिरहेका सेलिब्रेटीहरुले खेल जित्न साथ आफ्नो खुशीयाली साटेका थिए । नायिका निशा अधिकारीले आफ्नो खुशीको सिमा नरहेको भन्दै नेपाली क्रिकेट टिमलाई सलाम गरेकी छिन् । उनले अब विजय जुलुस निकाल्नु पर्ने बताएकी छिन् ।
नायक गजित बिष्टले नेपाली टिम जितेकोमा निक्कै खुशी लागेको भन्दै उत्साह बाडेका छन् । नायिका पि्रयंका कार्कीले पनि नेपाली टिमले जितेकोमा खुशी बाढ्दै नेपाली क्रिकेट टिमले इतिहास रचेको बताएकी छिन् ।
कलाकार हरिवंश आचार्यले पनि नेपाली टिमलाई विश्वकपका लागि छनोट भएकोमा बधाई दिएका छन् । नायिका केकी अधिकारीले हामी पनि वल्र्ड कप खेल्ने भन्दै नेपाली टिमलाई बधाई ज्ञापन गरेकी छिन् । नायक आर्यन सिग्देलले पनि नेपाली टिमको खुशीमा आफ्नो खुशी साटेकी छिन् ।
क्रिकेट र सिनेमा एक आपसमा निकट छन् । नेपाली सिनेमाको विकासमा क्रिकेट क्षेत्रको साथ र क्रिकेटको विकासमा नेपाली सिनेमा क्षेत्रले साथ दिदै आएको छ ।
0 comments:
Post a Comment