| Welcome |
संसारमा सबैभन्दा राम्रो मुर्रा जातको राँगो राखेको दावी गरेका भारत हरियाणाका किसान कर्मवीर सिंहले आफ्नो युवराज (राँगोको नाम) लाई ११ करोड २० लाख नेपाली रुपयाँमा बेच्नको लागि इन्कार गरेका थिए । अखिल भारतीय मवेशी प्रदर्शनीमा आएका कर्मवीर सिंहले बताए अनुसार यो राँगोले प्रति वर्ष नेपाली रुपयाँ ८० लाख रुपयाँ सम्मको कमाई गर्छ ।
उनले बताए अनुसार भारत चन्डीगढको नजिक एक किसानले उक्त राँगोलाई खरीद गर्नको लागि ११ करोड २० लाख रुपयाँसम्मको बोली लगाएका थिए तर उनले पछी बेच्न मानेनन् । उनले भने - "युवराज (राँगोको नाम) मेरो छोरा सरह हो । म उसलाई बेच्न कसरी सक्छु ? कुरुक्षेत्रका युवराजको लम्बाई १४ फिट तथा ऊंचाई ५ फिट ९ इन्च रहेको छ ।
कर्मवीर सिंहले यो राँगोको हेरचाहको लागि प्रति महिना ४० हजार खर्च गर्ने गर्छन् । यो राँगोलाई प्रति दिन २० लीटर दूध खुवाउने गरिन्छ तथा ५ किलो स्याउ पनि दैनिक खुवाउने गरिन्छ । यसको अलावा यसलाई राम्रो गुणस्तरको १५ किलो आहारा पनि खुवाउने गरिन्छ ।
प्रदर्शनीमा सर्वश्रेष्ठ श्रेणीको पशु पुरस्कार प्राप्त गरेको यो राँगोको बारे सरदार वल्लभ भाई पटेल कृषि विश्व-विद्यालयका वरिष्ठ वैज्ञानिक रवीन्द्र सांगवानले १४०० किलोग्राम भारवाले युवराज (राँगोको नाम) लाई एकदम राम्रो नश्लको मुर्रा भैसी भएको बताएका छन् । उनले संवाददाताहरुलाई बताए अनुसार युवराजले प्रतिदिन ३.५ देखि ५ मिलीग्राम वीर्य दिने गर्छ । यो उच्च गुणस्तर वीर्यबाट ३५ मिलीग्राम सम्म वीर्य तयार गर्न सकिन्छ । मुर्रा नस्लको एक राँगोको गर्भाधानको लागि ०.२५ मिलीग्राम वीर्यको आवश्यकता हुने गर्दछ । यसै प्रकारले १ पटक कृत्रिम गर्भाधानका लागि नेपाली २३०० रुपयाँको खर्च लाग्ने गर्दछ । यसै हिसाबले पनि यो राँगोले एकै दिनमा ३ लाखसम्मको कमाई गर्ने गर्छ ।
0 comments:
Post a Comment