| Welcome |
कार्तिक/काठमाडौं । नृत्य निर्देशक शंकर बिसीलाई महानगरीय ट्राफिक प्रहरी महाशाखा काठमाडौंले म्युजिक भिडियो ट्राफिक पोशाकको दुरूपयोग गरेको भन्दै सोधपुछ गरेको छ ।
निर्देशक बिसिले गितमा ट्राफिकको पोशाक सोध्दैनसोधी दुरुपयोग गरेको भन्दै महाशाखाका डिआइजी केशव अधिकारीकै निर्देशनमा बिसीलाई कार्यालयमै बोलाएर सोधपुछ गरिएको हो । अबदेखि ट्राफिक प्रहरीको पोशाक बिना अनुमति दुरूपयोग नगर्न पनि उनलाई चेतावनी दिइएको छ ।
गीतको म्यूजिक भिडियोमा ट्राफिक प्रहरीको पोशाक लगाएका ५ महिलाले चालक बनेका बिसीसँगै नाचेका छन। यस्तै गीतमा एक जना महिला जीपको छतमा बसेको पनि देखाइएको छ।
कार्यालयबाट पटक पटक फोन गरेपछि बिसी कलाकार श्री थापासँगै महाशाखा पुगेका थिए । ‘काफलको बुटामा अम्बा पाक्दैन‘।’ भन्ने बोलको गीतमा रश्मी तामाङसँग बिसी आफैं नाचेका छन् ।
0 comments:
Post a Comment