बाँदरलाई रक्सी खुवाउने व्यक्ति गिरफ्तार

Welcome

उत्तरपुर्वी भारतीय राज्ध मणिपुरबाट एउटा रोचक खबर आएको छ । मणिपुरको राजधानी इमफालको जुबाट एक व्यक्तिलाई बाँदरलाई रक्सी खुवाएको आरोपमा गिरफ्तार गरिएको छ । गल्ती स्वीकार गरेपछि ती व्यक्तिलाई जरिवाना समेत तिराइएको छ ।

मणिपुर जुका डाइरेक्टर जोयकुमार सिंहले बाँदरलाई रक्सी खुवाउने व्यक्तिलाई पक्राउ गरिएको पुष्टि गरे । जोसुआ इनबुओन नाम गरेका व्यक्तिलाई सोमबार जु परिसरबाटै पक्राउ गरिएको आजको नयाँपत्रिकामा समाचार छ ।उनी जुको एउटा बाँदरलाई पेय पदार्थमा मदिरा मिसाएर पिलाउँदै थिए । हाम्रा कर्मचारीले ती व्यक्तिको यस्तो हर्कत देखे र उनलाई तत्काल पक्राउ गरे, उनले भने । बाँदरलाई रक्सी खुवाउने व्यक्ति आफैँले पनि मातिने गरी रक्सी खाएका थिए ।

बाइल्डलाइफ प्रोटेक्सन कानुअन्तर्गत उनलाई पक्राउ गरिएको हो । गल्ती स्वीकार गरेपछि उनलाई तीन हजार रुपैया भारु जरिवाना तिराइएको छ ।

रक्सी खाएपछि बाँदरले कस्तो हर्कत देखाउँदो रहेछ भन्ने थाहा पाउन आफूले यस्तो गल्ती गरेको जोसुआले बताए । पेय पदार्थमा मिसिएको रक्सी खाने बाँदरले असामान्य व्यवहार देखाउन थालेपछि त्यसलाई उपचारका लागि भेनरी डाक्टरकोमा लगिएको थियो ।